¡Ah. El novio no quiere dinero!

 

¡Ah. El novio no quiere dinero!

Quere a la novia de mazal (suerte) bueno.

Yo vengo a ver

que gozen y logren

y tengan mucho bien.

 

¡Ah. El novio no quiere ducados!

Quere a la novia de mazal alto.

Yo vengo a ver

que gozen y logren

y tengan mucho bien.

 

¡Ah. El novio no quiere manillas!

 Quere a la novia cara de alegría.

Yo vengo a ver

que gozen y logren

y tengan mucho bien.

 

¡Ah. El novio no quiere dinero!

Quere a la novia de mazal (suerte) bueno.

Yo vengo a ver

que gozen y logren

y tengan mucho bien.

 

¡Ah. El novio no quiere ducados!

Quere a la novia de mazal alto.

Yo vengo a ver

que gozen y logren

y tengan mucho bien.

 

¡Ah. El novio no quiere manillas!

 Quere a la novia cara de alegría.

Yo vengo a ver

que gozen y logren

y tengan mucho bien.

(Canción Judeosefardí)

Aquel Rey de Francia

 

Aquel Rey de Francia tres hijas tenía.

La una cortava, y la otra cuzía,

la más chiquitica bastidor hacía.

Lavrando (bordando), lavrando, esfueño (sueño) le venía;

la madre con ravia harvarla (golpearla) quería.

-¡No me aharvéx, madre, no me aharvariax!.

Esfueño me ha soñado de bien y alegría.

Me aparí al pogio (pozo), vide un tasín (tacita)de oro

con tres paxcaricos picando el oro-.

-Los tres paxaricos eran tus cuñadicos

y el tasín de oro era el tu novio.

-Me aparí a la ventana,  vide a la estrella Diana.

-Aquella estrella diana era la tu cuñada.

-Me aparí ala puerta, vide la luna entera.

-Aquella luna entera eara la tu eshuegra.

-Me aparí al espejo, vide un mansanero.

-Aquel mansanero era el tu eshuegro.

(Canción Judeo.sefardí)

Ya abaxa la novia

 

Ya abaxa la novia por el varándado,

me espanto no le caygan los ducados;

por abazo, por arriba,

debaxo la ventanica,

ande moro yo.

 

Ya abaxa la novia por el curtijo,

me espanto  no le caygan los anillos

por abazo, por arriba,

debaxo la ventanica,

ande moro yo.

 

Ya abaxa la novia por la cusina,

 me espanto no le caigan las manillas;

por abazo, por arriba,

debaxo la ventanica,

ande moro yo.

 

Ya baxa la novia por el lavandón (Lavadero),

me espanto no le caiga el cordón:

por abazo, por arriba,

debaxo la ventanica,

ande moro yo.

(Canción Judeo-sefardí)

Mercar vos quiero, la mi mujer

 

Mercar vos quiero, la mi mujer,

mercar vos quiero un par de shuecos.

 

Pie tuerto no mete shueco.

 

¡Con esto, la mi mujer,

echémos el tiempo en el beber!

 

Mercar vos quiero, la mi mujer,

mercar vos quiero un par de calsas (medias).

 

Pachá (pierna) blanca no mete calsa,

pie tuerto  no mete shueco.

 

¡Con esto, la mi mujer,

echémos el tiempo en el beber!

 

Mercar vos quiero, la mi mujer,

mercar vos quiero un par de bragas.

 

Las bragas se me hacen llagas,

pachá blanca no mete calsa,

 pie tuerto no mete shueco.

 

Con esto, la mi mujer,

echémos el tiempo en el beber!

 

Mercar vos quiero, la mi mujer,

mercar vos quiero una camisa.

 

La camisa a mí me stringe (aprieta)

las bragas se me hacen llagas,

pachá blanca no mete calsa,

 pie tuerto no mete shueco.

 

Con esto, la mi mujer,

echémos el tiempo en el beber!

 

Mercar vos quiero, la mi mujer,

mercar vos quiero un antarico (túnica)

 

El antarico me va curtico,

la camisa a mí me stringe (aprieta)

las bragas se me hacen llagas,

pachá blanca no mete calsa,

 pie tuerto no mete shueco.

 

Con esto, la mi mujer,

echémos el tiempo en el beber!

 

Nercar vos quiero, la mi mujer,

mercar vos quiero una capitanica (camisa)

 

La capitanica me va estrechica,

el antarico me va curtico,

la camisa a mí me stringe (aprieta)

las bragas se me hacen llagas,

pachá blanca no mete calsa,

 pie tuerto no mete shueco.

 

Con esto, la mi mujer,

echémos el tiempo en el beber!

(Canción Judeo-sefradí)

Imahgen:https://www.blogger.com/

El Rey por mucho madruga

 

El Rey por mucho madruga

onde la reina iva.

A la reina topó en cavellos

peinándose sus destrensados;

con espejo de oro en su mano,

mirándose su bel (lado) galano.

 

El Rey por burlas con ella

le apretó el lado.

-Estate, estate, Angelino,

¡el primer enamorado!

Dos hijos tengo tuyos

y dos del rey se hacen cuatro.

Los del Rey hecho en la cama,

los tiuyos al mi lado;

los del Rey subo con mula,

los tuyos en el mijor cavallo;

los del Rey mando a la guerra,

os tuyos al mijor paseo.

 

Esto que boltó la cara

vido el Rey a su lado.

 -¡Perdón, perdón, Siñor Rey!

¡Que un sueño me he soñado!

–Este asunto la mi Siñora

¡en bueno te lo he soltado!

Espera que amanezca el día

te cortaré un suyo blanco.

 

Y amaneció el día.

La cabeza le ha cortado.

(Canción Judeo-sefardí)

La galanica

-Abaxéx abaxo, galanica gentil.  

Disidne sinestáx sola, vos iré a servir.

– No puedo mi novio, que me está peinando.

-¡Peine de marfil, cavello de bril!

 

Mandadme al muchacho que me venga a avrir.

La pava, la pava, por aquel monte.

El pavón es roxo, bien le responde.

Se toman mano con mano, ya se van a pasear.

Debaxo de un rosal vedre solombra de toronjal.

 

Todo mos séa el buen simán,

dio mos cumpla la alegría.

Alegrarme yo con vos,

más alegrarme yo con vos.

 

Escalera le hizo de oro y de marfil

para que suva esta novia a dar queduxim.

Esaclara le hizo de oro y metal.

Para que suva esta novia a dar barahá.

Por donde la llevaiax que me alegraré.

 

La pava, la pava, por aquel monte.

El pavón es roxo, bien le responde.

Se toman mano con mano, ya se van a pasear.

Debaxo de un rosal vedre solombra de toronjal.

 

Todo mos séa el buen simán,

dio mos cumpla la alegría.

La novia lleva la flor,

el novio lleva lo mejor.

(Canción judeo-sefardí)

Imagen:https://www.blogger.com/

No paséch por la mi sala

 

– No paséch por la mi sala

que tengo hija galana

y pasaréch.

 –Si tenéch hija galana,

dámela a mí por amada

y pasare.

Pasaré y tornaré

y l’aviaré y le diré

que la via no es suya,

es del Rey.

 

-No paséch por mi cortijo,

que tengo hijo garrido,

y pasaréch.

-Si tenéch hijo garrido

dámelo a mi por marido

y pasaré.

Pasaré y tornaré

y l’aviaré y le diré

que la via no es suya,

es del Rey.

 

 -No paséch por mi cusina

que tengo hija valida

y l’avaréch.

-Si tenéch hija valida

dámela a mi por amiga

y pasaré.

Pasaré y tornaré

y l’aviaré y le diré

que la via no es suya,

es del Rey.

Cantiga de boda

Morenica a mi me llaman

(Judeo-sefardí)

 

Morenica a mi me llaman – yo blanca nací,

el sol del enverano – a mi me hizo ansí.

Morenica y graciosica sos,

morenica y gala nica,

blanca niña sos.

 

Morenica a mi me llaman – los marineros,

si otra vez me llaman – me vó con ellos.

Morenica y graciosica sos,

morenica y gala nica,

blanca niña sos.

 

Dezilde a la morena – si quere venir,

la nave está en vela – que ya va paftir

Morenica y graciosica sos,

morenica y gala nica,

blanca niña sos.

Días de la semana

(Judeo-sefardí)

 

Día de alhad tomo un vijito.

Marido así bivás vos.

¿Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

 

Dia de lunes paso colada.

Marido, así viváx vos.

–Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

 

 

Dia de martes la buygo y la enxaguo

Marido, así viváx vos.

–Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

 

 

Dia de miércoles la estiro y la dó fierro,

Marido, así viváx vos.

–Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

 

Dia de jueves, no vo lo digo,

Que ya lo sabéx vos.

–Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

 

Dia viernes amaso y enformo,

Marido, así viváx vos.

–Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

 

Dia de xabát durmo y resfolgo,

Marido, así viváx vos.

–Y cuando queréx que labre

este lindo bastidor?

Marido, ¡así biváx vos!

¡Maridico, así vivax vos!

Imagen:https://www.google.com/